Softismaskin på ferjer bør forbys!

I solidaritet med dei svake i samfunnet, i dette tilfellet personar med laktoseintolleranse og dårleg sjølvdisiplin, bør ein fjerna softismaskinar frå ferjene.

For ein person som kan, i dette innlegget, definerast som "svak", fører freistinga sal av softis utset ein for, til store vanskar. Dersom denne personen i tillegg reiser jevnlig til Stavanger, vil det medføre gjentatte magesmerter og ei heller ubehageleg reise viare. Ein kan tru det er ille nok å møte på kule- og vanleg pinneis kvar enn ein går. For denne gruppa vert softis rett og slett for stor ei utfordring.

Ønskjer me å gjera livet betre for ei rekkje menneske? Då bør softismaskin på ferjer ulovleggjerast snarast!

Kva gjekk galt?

I haustferien i år reiste eg, saman med Maria, på jentetur til London. Her var besøk på King's Kross Station sjølvsagt obligatorisk, men noko gjekk ubeskriveleg galt! Som ein kan sjå på biletet, ville ikkje vogna rikka seg. Eg prøvde forskjellige metodar i form av hardare pressing og å ganske enkelt gi opp vogna for å prøve å komma igjennom berre eg. Alt saman utan hell.

Årsakane var ukjende, og eg reiste straks heim for å studere første boka i serien; Harry Potter and the Philisopher's stone. Ei setning beit eg meg merke i; "If you are afraid, just close your eyes and run towards it." Hendinga skjedde dessutan her 1. september i motsetning til min 10. oktober.

Kva som gjekk galt veit eg ikkje. Om det var timinga, eller fysiske forglemmingar som å lukke auga. Kanskje ei lett blanding av dei begge. Neste gong skal eg uansett vera førebudd. Eg skal finna ei passande tid, eg skal lukke auga og eg skal springa!

Eg er klar for å entra ei magisk verd!

Møte med Filip Rygg

Tirsdag 11. november var det møte i Ølen KrFU. Filip Rygg inspirerte 27!! tilhøyrarar med innlegg om menneskeverd, medan me stilte med sjokoladeboller, bollefisk (boller med vaniljefyll, forma som fisk) og saft.

Med all takk til Filip Rygg som køyrde heile vegen frå Bergen for å snakka til oss!